Dagsins annir

/ Dagsins annir /Börnin / Myndir / Tásla / Hið góða og fyndna /Tenglar / Hestarnir / Við / Gestabók /

Velkomin á Hrossasott.com

Dagsins annir

7.Mars

Gleðilegt nýtt ár.... til hamingju með bóndadaginn (bændur) til lukku með konudaginn (konur)...

Já já já það er orðið ansi langt síðan ég bloggaði síðast L Er búin að hugsa mikið um það, er ekki sagt að hugurinn beri mann hálfa leið????

Nú já til hamingju öll afmælisbörn.... í janúar voru það... Magnús frændi, Fannar okkar ágæti (sem er jú komninn langt á fertugsaldurinn) Össi sem loks komst í fullorðinna manna tölu, Særós Ásta okkar sem nú er orðin 11 ára, svo kom febrúar... Bjössi Biggafrændi sem átti afmæli og degi seinna fæddist honum lítil prinsessa (Aníta), til hamingju Lilja og Bjössi, Davíð Þór átti líka afmæli.. vá og það er kominn mars... Sjöfn og Þorlákur deila degi, Daníel Örn og ég deilum einnig degi... held ég sé ekki að gleyma neinum ef svo er þá sorry þú ;-)

Lífið gengur annars sinn vanagang hjá okkur hér á bæ... Biggi fer á sjóinn og kemur svo heim nokkuð mörgum dögum seinna, er heima í fáa daga og fer á sjóinn aftur... rútína hvað? Börnin fara í skólann alla morgna... svo eru þau ansi dugleg í ýmiskonar sprikli og skoppi, Hafþór í fimleikum og Særós í sundi, reiðnámskeið og skátarfundir inn á milli... í dauðatímanum ríða þau svo út af krafti, eru rosalega dugleg og áhugasöm um að koma í hesthúsið með mér og ríða út á fullu. Þau eru farin að aðstoða mig með sum tryppin, reka á eftir ef ég bind tryppi utaná annað hross og svo fylgja mér um göturnar á tryppum sem enn þurfa fylgd úr hlaði. Já það er ekkert smá frábært að eiga svona duglega aðstoðarmenn sem eru full áhuga um allt sem snýr að hrossum. Munar um minna eins og maðurinn sagði ( hver ætli hafi sagt þetta fyrst? Hhmmm?)

Jólin og áramótin gengu friðsamlega fyrir sig hér á bæ, pakkaflóð og sprengingar.... bara gaman

Í byrjun febrúar var haldið upp á 11 ára afmæli Særósar, 15 kátar stelpur mættu hér galvaskar og var svakalegt stuð á heimilinu. Fjölskyldu og vinum var svo boðið í súpu og brauð á laugardagskvöldi... setið var yfir söngvakeppni Sjónvarpsins og bara stuð á fólki.

Smá litlaþema í gangi

Rut og Særós

Biggi knúsar Rannveigu

Hrossin okkar eru komin í ágætt trimm, enda eru fáir dagar sem detta út. Við Sprunga mætum í skólann þegar þess þarf og gengur það bara ágætlega.

Í lok desember fórum við austur og sóttum Kipp og Hnykk. Ferðin gekk mjög, fengum frábært veður og hrossin voru í flottu standi bæði í Saurbæ og Baugstöðum. Held við höfum aldrei haft eins lítið fyrir því að taka folald á kerru eins og þegar við tókum Kipp, ég byrjaði á að mýla Kviku og setti á hana teymingagjörð, gekk svo að Kipp setti á hann múl og batt hann utaná Kviku, teymdi svo bara Kviku í rólegheitum að kerrunni, engin átök ekkert streð, Kippur teymdist bara eins og taminn ;-) Bara draumur í dós að eiga við þenna fola. Hnykkur var rekinn heim með stóðinu á Baugstöðum og inn í hús, það gekk vel að mýla hann og hann var fljótur að skilja bandið, var nú samt ekki allveg jafn ljúfur og Kippur en góður engu að síður.

Kvika og Kippur

Litskrúðugt stóðið okkar

Árás

Slóð

Ísöld

Birta hlær hrossahlátri

Fljólega bættist svo eitt folald við í vist hjá okkur, Giljagaur frá Hafnafirði. Þessir þrír félagar voru fljótir að spekjast og eru allir ósköp góðir í umgegni, lærðu allir að vera bundnir, teymast og lyft væri upp á þeim löppum, enginn þeirra slægur eða neitt stressaður, allir ljúfir og yfirvegaðir. Ég tók mig svo til og heil-rakaði þá alla. Allt annað að sjá þá svoleiðis ;-)

Kippur

Hnykkur

Í lok janúar fóru þessir félagar svo austur til Gumma og Sjafnar í uppeldi, hafa það gott þar. Okkur finnst gott að taka folöldin aðeins inn, kynnast þeim og kenna þeim undirstöðu atriði fyrir tamningu seinna meir en ef folöld eru of lengi á húsi verða þau fljótt að dekurdýrum finnst mér, nema ef þau eru sérstaklega stygg og þarfnast meiri umgengni en önnur. Hjá Gumma og Sjöfn fá þau góða umgegni, sett út og inn og mokað hjá þeim daglega en ekkert óþarfa dekur (nema um það sé beðið)

Í byrjun febrúar fórum við upp að Meðalfelli og hjálpuðum til að reka eitt stóð heim, við tókum eina hryssu með okkur í bæinn í þessari ferð. Þarna sáum við loks Parkersdóttirina (Kviku) sem við erum nýlega búin að eignast... hestkaupa hvað? Einnig heilsuðum við upp á Ljósku og Dimmu okkar,einnig er hann Myrkvi hans Ragga fyrrverandi hennar Kollu þarna (smá flókin tengsl) hrossin litu vel út og voru sælleg.

Stóðið skokkar heima að bæ

Myrkvi

Kvika Parkersdóttir

Ljóska

Við Sigurþór ræðum málin...

Kisi hefur það gott í hesthúsinu

Einn laugardaginn í febrúar fóru krakkarnir á skauta og skemmtu sér konunglega, höfum nú ekki oft farið en þau voru fljót að ná valdi á skautunum og léku listir sínar

Við fengum smá snjó..

við mikinn fögnuð barnanna, en blessaður snjórinn staldraði stutt við.

Útreiðafærið var reyndar ekki skemmtileg

en það er alltaf gaman að leika sér í snjónum ;-)

Kristín María og Örvar áttu með okkur dag í hesthúsinu um daginn, þau komu með þessa líka flottu ábreiðu sem mamma hennar Kristínar prjónaði handa henni... auðvitað voru sparimerarnar okkar setta í hana og myndaðar, Jalda og Sprunga

Ég er oft með litla myndavél með mér í töskunni minni, gríp hana þegar ég man eftir henni og tek út af henni allt of sjaldan.... Fann myndir síðan í hestaferð í sumar þar erum við að fara yfir Stóru-Laxá í Hrunamannahrepp. Hafþór ríður Hemru, Særós Gjafari, Sigga er á Sjón, teymir Grana og Skrá, Biggi er á Grádögg og teymir Sprungu.

Í sömu ferð riðum við niður Þjórsárbakkana, skemmtileg leið, veðrið lék við okkur og reyndar rykið líka. Biggi ríður Grádögg og teymir Hemru og Skrá. Hafþór er á Jörð sinni.

Sáum þennan flotta mótorfák einn daginn er við áttum leið um Selfoss í sumar

Þessi bíll var líka á ferðinni

Í haust fórum við austur að Flúðum og settum spæni í poka og fylltum stóran fluttningabíla af pokum...

Össi kom með og ætlaði að hjálpa til en fann bjór í bílnum okkar....

Það var mikið ryk og ekki voru gleraugun til mikils gagns .....

Bygging á nýja hesthúsinu okkar er hafin, komnir sökklar og spennan er sumsé gífurleg en ég er samt ekkert æf...

26.des´09

8.2´10

Stefnum á að flytja inn í haust....

Uppskeruhátíð sunddeildar Breiðabliks var haldin og þar fékk Særós Ásta viðurkenningu fyrir bestu mætinguna í sínum hóp einnig viðurkenningu fyrir að vera duglegur sundiðkandi. Flott stelpan okkar ;-)

Pabbi og Dísa buðu okkur í mat eitt kvöldið, þar á bæ eru tveir fuglar sem vekja mikla athygli Táslu.

Skrýtla gamla er ekkert að halda í við sig... en hún er síður en svo hrifin af hundum í heimsókn

Skrýtla er fædd í júlí 1996

Saltsteinninn er alltaf góður

Í sl viku opnaðist sár á afturfæti á hrossi (Gjá) hjá mér sem er sko frá sögu færandi, við, Kolbeinn og Hafþór vorum í útreiðatúr og Gjá var í taumi, á leiðinni sá ég að það blæddi úr hægri afturfæti og auðvitað stoppuðum við og kíktum á sárið, mér fannst þetta eh skrýtið og þegar heim í hesthús var komið fékk ég dýralækni til að líta á þetta....Það er eh kúla sem kemur út úr fætinum..... Líklegast er að þetta sé æxli sem er að vaxa þarna út úr fætinum, það þarf að svæfa hryssuna til að gera á henni aðgerð og skera þetta í burtu hvað sem þetta er nú þá verður það sent í ræktun og vonandi fæst eh niðurstaða hvað sé á ferðinni... get ekki sagt annað en að mér finnst þetta spennandi en auðvitað er þetta ekki gaman. Hryssan er óhölt og kennir ekkert til í þessu, kippir sér ekki við þó maður komi við kúluna ...:-/

23. des

Gleðilega hátið kæru vinir, við þökkum ánægjulegar samveru stundir á líðandi ári og hlökkum til að hitta ykkur kæru vinir hress og kát á nýju ári

Desember hefur flogið áfram..... nú eru bara að skella á jól og allt að springa úr spenningi hér á bæ, eins og hjá svo mörgum öðrum ;-)

Ekkert nema bara gaman að fylgjast með börnunum sínum telja niður dagana til jóla, sjá gleði glampa í augum þeirra þegar undirbúningurinn er á fullu, jólapakkarnir streyma inn og hver öðrum forvitnilegri..... úff hvað það er gaman að vera til á þessum tíma.

Hér á þessum bæ hefur allt gengið sinn vanagang, jóla undirbúningurinn tekin á met hraða, brunað um bæinn þveran og endilagangan í leit að gjöfum fyrir fjölskyldu og vini. Nú er all orðið klárt, pakkarnir þvegnir, jólatréð steikt, börnin skreytt, karlinn skín skært, steikin innpökkuð ;-)

Þrenna sem ég auglýsti hér fyrir neðan er seld, komin til nýs eiganda sem er 10 ára gömul stelpa. Til lukku með hryssuna.

Fyrsta helgin í desember var ansi þétt hjá okkur... á laugardeginum var jólaball LHG, jólaskemmtun sunddeildar Breiðabliks, þar mætti fólk ekki í „venjulegum jólaballsklæðnaði heldur á sundfötum og náttfötum því skrautlegar útfærslur sem litu dagsins ljós þegar þreytta átti boðsund af ýmsum toga, svo tók ég bóklega prófið í skólanum í dauða tímanum

Svo á sunnudeginum fórum við austur í Kaldárholt og röguðum hrossin í sundur, tókum Sjón, Grádögg, Gjafar og Jörð inn í rétt því þau fóru svo á hestaflutningabíl í bæinn, hin hrossin fóru yfir að Saubæ þar sem þau verða fóðruð í vetur.

Við teymdum elstu hrossin í hendi og létum þau yngri fylgja með, raunin er sú að þó ungviðið sé forvitið og áræðið þá eru þau samt ekki það sjálfstæð þegar á hólminn er komið að þegar á að taka stórar ákvarðanir um hvert skal haldið eða hver skal vera fyrstur á nýjum slóðum að þeim finnst öruggara að halda sig með sér eldri og reyndari og fylgja þeim, ekki að ástæðulausu að foringi er í hverjum hóp. Með því að teyma elstu hrossin fóru ungu tryppin ekki langt frá okkur þótt þau hefðu gott pláss til að spretta úr spori, léku jú lausum hala um túnin í Saurbæ en það varði stutt, fóru ekki langt frá þeim eldri og komu fljótt aftur og fylgdu okkur í rólegheitum í gegnum hlið eins og tamin hross.

Á ca 3km leið sem við förum með hrossin eru 3 ristarhlið sem við þurfum að fara um, svo það er eins gott að fara varlega þegar þarf að koma stóðinu í gegnum mjó hlið sem eru til að fara með búfénað í gegn við hliðina á ristarhliðunum. Þá er gott að hafa eldri hrossin í taumi og þau yngri raða sér í lest og fylgja eins og vel tamdir hundar ;-)

Þegar í gegnum síðasta hliðið var komið slepptum við öllum hrossunu lausum nema ég stökká bak Kviku og reið henni síðasta hlutann, röltum í rólegheitum á eftir hrossunum, þau elstu röltu fremst og svo elti ungviðið

Hrossin litu öll vel út, feit og sælleg, aðeins hún Komma komin með hnjúska en það er samt ekki til að hafa miklar áhyggjur af þegar hún er komin á gjöf. Hrossin sem komu inn voru öll feit og fín.

Hrossin voru svo fljótlega járnuð og ekki létu krakkarnir bíða eftir sér með það að fara á bak, Hafþór td beið með beislið sitt í hendinni þegar Jörð hans var járnuð, sá stutti lagði síðan við merina sína og bað um aðstoð með að ná í hnakkinn sinn, rétt seinna sást á eftir honum út í myrkrið þar sem hann lallaði nokkrar götur á þeirri rauðu.... Særós greip strax færi á að leggja á hann Gjafar sinn þegar hún komst í hesthúsið og auðvitað skellti hún sér í útreiðatúr á þeim grá og var eins og hver önnur prinsessa um stund ;-)

Krakkarnir fara svo öll á reiðnámskeið strax í byrjun janúar, Særós fer með Gjafar, Hafþór með Jörð svo er hann Kolbeinn“okkar“ í Knapamerkjum 1&2 og verður með hana Grádögg í verklega hlutanum í vetur, tók bóklega hlutann í nóvember. Já svo verðum við Sprunga jú áfram í skólanum „okkar“. Nóg að gera hjá öllum.... Vonandi bara að hross og mannskapur komi vel menntuð út úr þessu eftir veturinn ;-)

Nú er jólafrí í skólanum mínum, prófin búin og við Sprunga slökum bara á í bili, okkur gekk bara vel í verklega prófinu, já og jú líka í því bóklega, er bara nokkuð sátt við mig og undan Sprungu kvarta ég nú ekki enda þvílík spari meri orðin hjá mér að það hálfa er eiginlega allveg hellingur ;-)

Biggi kom heim í byrjun desember og er búin að vera með mér í hesthúsinu svo höfum við tekið nettar tarnir og hrist jólin fram úr ermunum....

Já svo er búið að taka stigaganginn okkar líka þvílíkt í gegn og í kringum það hafa verið snúningar, kominn nýr ca 6m hár gluggi, allir veggir, hurðir, handrið ný málað, nýtt teppi bara eins og að koma í nýtt hús þegar maður kemur heim núna, bara gaman, Stigagangurinn sem við búum í er allveg einstakur, allar ákvarðanir teknar vandamálalaust, enginn þrasari, samkomulagið gott, enda sást það vel í þessum framkvæmdum, við hittumst bara við og við fram á gangi, ákváðum liti fyrir hvern hlut fyrir sig á staðunum, ekki formlegir fundir með viku fyrirvara og öllu því tuði sem getur fylgt í sumum stigahúsum, sumsé ekkert vesen og málið bara dautt.

Nú fer örugglega að styttast í að við tökum folöldin okkar tvö inn, Kipp og Hnykk en þeir ganga enn úti með mæðrum sínum, feitir og fínir... held að ef þeir veriði mikið lengur úti þá fara Biggi og mamma gangandi austur með hjólbörur og keyra þá þannig í bæinn... eru allveg ómöguleg bæði tvö yfir því að „grey“ strákarnir séu ennþá úti...ææææ

En það verður gaman að fá þessa kauða aðeins inn, binda þá og leiðitemja.

Mér líst amk mjög vel á hann Kipp, hægt að ganga að honum úti og taka upp á honum fætur, án þess að hafa nokkuð verið að eltast við að spekja hann eða eiga sérstaklega við hann, hann ákvað það bara upp á sitt einsdæmi að vera svona líka spakur og öruggur með sig þegar við komum

Dimma okkar er nú farin að Meðalfelli og verður þar á útigangi fram eftir vetri. Þar eigum við líka hana Ljósku okkar en hana ætlum við að taka inn þegar fer að líða að vori.

Nú til að halda áfram þessum hrossakaupum sem við höfum jú verið svo dugleg við sl mánuði þá erum við að eignast eina nýja hryssu, 5.v rauðblesótta Parkersdóttir... meira um hana síðar.

22. nóv

Tók mig til um helgina og bætti við nokkrum nýjum tenglum inn á tenglasíðuna mína... endilega kíkið þar við og ef þið „dettið“ inn á eh sniðugar síður þá megi þið gjarnan senda mér slóðina að þeim á tölvupósti svo ég geti nú bætt enn meira við ;-) Ég bætti einnig við smá texta um nokkur hross hjá okkur. Bæti svo fljótlega við nýjum hrossum á síðuna.

Nú var síðasta skólahelgin mín fyrir jól, búið að vera mjög gaman og gagnlegt, þó nokkur heimavinna og eins gott að æfa sig vel fyrir hvern tíma... Við enduðum önnina í dag og tókum verklegt próf á hesti inn í reiðhöll. Var bara gaman (þegar allt var yfirstaðið) Nú er Sprunga mín komin í smá „pásu“ í amk viku svo þjálfa ég hana bara létt yfir hátíðarnar svo tekur næsta önn við með verklegri kennslu strax fyrstu helgina í jan.

Annars er ég með alþæga og góða reiðhryssu til sölu, allir geta riðið henni. Hún er hreingeng og ekta fjölskyldu útreiðahross eða jafnvel keppnis hross fyrir barn. Særós og Hafþór fara á henni hvert sem er án allra vandamála. Hún er á húsi hjá mér og sjálfsagt mál að koma og prufa dömuna ef þið eruð á höttunum eftir góðu reiðhrossi.... sem væri hægt að lauma undir stóðhest ef svo bæri við ;-) Hryssan ber nafnið Þrenna og er frá Hólmahjáleigu. Hún er undan Þrist frá Feti og Kröflu frá Hólmahjáleigu (bygg 7.64, hæf 8.10 ae7.92)

17. nóv

Birta ágúst´09

Alltaf ætla ég að taka mig á í þessum blessuðu skrifum .... svo veit ég ekki fyrr en aftur eru liðinir tveir mánuðir frá síðustu skrifum mínum.... ekki er ástæðan sú að ekkert sé að gerast á þessum bæ, nei sko aldeilis ekki!!! Dagsins annir standa engan vegin undir nafni en nú ætla ég sumsé að reyna að skrifa hér inn á amk 10 daga fresti.... endilega minnið mig á það ef ég klikka!!!!!

Í byrjun sept náði ég í Kommu frá honum Fláka frá Blesastöðum, hún sónaðist fylfull svo nú er bara að bíða og sjá hvað hún kemur með handa okkur nk sumar ;-)

Helgina 11.-13. Sept brugðum við Kolbrún vinkona okkur norður í Mánaskál með börn og hund. Fylltum jeppann okkar af farangri sem okkur fylgdi,hengdum eina kerru aftaní sem var full af parketi sem þurfti að komast í Mánaskál. Loksins fórum við vinkonurnar saman norður... löngu kominn tími til að fara tvær saman.... með viðhengin okkar ;-) Við höfðum það gott í sveitinni, slöppuðum af... fúavörðum sólpallinn (fyrst maður var nú komin var ekki hægt að sleppa því að gera eh smá gagn ;-)) fylgdumst með fjársmölun, en árleg smölun var í Laxárdalnum og nærsveitum og svo Skrapatungurétt á sunnudeginum. Særós og Hafþór voru mjög dugleg að dunda með Þórdísi Kötlu og kepptust um að fá að passa hana og skipta á henni ef þau mögulega gátu. Fórum svo auðvitað í réttir þar sem Særós og Hafþór nutu sín í botn. Veðrið var frábært og fólk lék við hvern sinn fingur í réttunum ;-)

Viku af september tók ég Sprungu inn og byrjaði að liðka hana aðeins, ég skellti mér nefnilega í skóla og er Sprunga skólahrossið mitt ;-) ég varð jú að bæta eh við hjá mér enda get ég sjaldan setið auðum höndum. Er í Reiðmanninum, svo nú er eins gott fyrir mig að standa mig almennilega ;-)

Ég var með hana Ljósku okkar Hágangsdóttir inni í 6 vikur frá byrjun sept fram í október. Hún kom mjög vel til í tamningu og tók öllu vel, rösk og örugg áfram, allur gangur laus og hreinn, ekkert hik eða nein hræðsla við neitt hjá henni. Hlakka til að halda áfram með hana seinna. Slepptum henni svo bara út þar sem hún er jú bara 3.ja vetra tryppalingur ;-)

Um miðjan sept leigði Biggi ljósmyndastudio heim í stofu heila helgi og tók hann myndir af börnunum eins og mest hann mátti ;-)

24.sept brugðum við mamma og krakkarnir okkur austur í Áfangagilsrétt, Helga G. Var líka á svæðinu með sín viðhengi og múttu. Margt fólk var á svæðinu,allir hressir og kátir. Mikil eftirvæntig hjá mörgum að sjá hvernig féð kom af fjalli og hversu góðar heimtur væru. Mamma kom sér í vinnu sem hliðvörður, svo er nú líka gott að fletta upp í kerlu þegar eh er óöruggur með fjármörkin... kerla kann þetta allt ;-) Særós og Hafþór drógu lömb og kindur eins og enginn væri morgun dagurinn ;-) Svo prufuðu þau bændaglímu og fannst það ekki leiðinlegt ;-)

Fyrstu helgina í okt fórum við, Biggi ég, Hafþór og mamma austur að Kaldárholti og hjálpuðum Gunnu að smala kindum og sorterta líf og sláturlömb. Smölunin gekk vel og veðrið var geggjað ;-) Litli prinsinn naut þess að vera einn með foreldrum sínum.

Særós var í skátaútilegu þessa helgi á Úlfljótsvatni með skátahópnum sínum og skemmti sér konugnlega

Dimma

Ég hef nú skrifað um það hér inni að hestakaup séu bara stórskemmtileg íþrótt ef út í það er farið.... alltaf smá spenna og maður er jú alltaf að græða ;-) eða hvað??? Hehe ég fór amk í hestakaup í haust með hann Orra sem ég fékk í vor, hef ekki tíma fyrir hann og raun ekki mikið við hann að gera því við eigum svo mörg önnur ung hross sem okkur langar að sjá hvað býr í.... við fengum 14.vetra tamda brúna hryssu undan Safír gamla Viðvík. Dimma heitir daman. Skemmtileg meri, viljug og flugrúm, við erum með hana á húsi núna aðeins til að kynnast henni svo fer hún bara út aftur og kemur inn með vorinu fyrir hestaferðirnar ;-)... alltaf að græða ;-)

Kaldárholtskettlingur

Skólinn hjá mér er að mestu í fjarkennslu, bóklegi hlutinn og öll verkefnaskil í gegnum tölvu. Svo eru verklegar helgar þar sem við mætum með hrossin okkar og fáum tilsögn og er svo sett fyrir heima fyrir næsta tíma.... svo er bara að æfa sig og vera dugleg því nú styttist verulega í verklegt próf. Sprunga stendur sig vel í því sem við erum að gera... mér finnst þetta skemmtilegt og gagnlegt og gaman að fá tíma fyrir sjálfan sig og verða að búa þann tíma til í öllu skipulaginu ;-)

Loksins fer hesthúsbyggingin okkar að fara af stað, erum komin með öll leyfi og teikningar eru tilbúnar.... örugglega eh sem þarf að breyta en það kemur þá bara í ljós seinna. Ætlunin er að húsið verið tilbúið til fyrir 1.apríl 2o1o en þá eigum við eftir að setja upp innréttingar og milliveggi... er satt að segja orðin spennt fyrir þessu og finnst þetta loks vera raunverulegt ;-) verð að drífa mig uppeftir og taka mynd af „holunni“ og svo setja inn myndir reglulega af byggingarframkvæmdum.

Í október var hann Bólstri hans Hafþórs felldur, var jú með spatt í báðum afturfótum, við vorum búin að gefa honum mjög mikinn tíma til að gróa en hann varð alltaf haltur aftur þó hann væri ekkert brúkaður, bara undir sjálfum sér. Síðasta árið var hann í Hólmahjáleigu og sáu þau um að fella hann fyrir okkur, líka ágætt fyrir Hafþór að venjast því að klárinn væri ekki í okkar stóði en vissi af honum í Hólmahjáleigu. Við fórum jú í sumar og þá kvaddi Hafþór þennan einstaka vin sinn í síðasta sinn en á milli þeirra var ósýnilegur þráður sem engin gat rofið. Alla þeirra tíð hélt Bólstri tryggð við strákinn, tók sig alltaf frá hrossunum og kom til Hafþórs, fylgdi honum og leyfði stráksa að klöngrast á bak sér og dunda í kring, alltaf var klárinn rólegur gagnvart Hafþór. Hafþór okkar er búinn að gráta mikið síðan hann vissi að Bólstri væri farinn til feðra sinna, margar spurningar runnið upp og mikið hugsað, veit jú að þetta fylgir því að eiga dýr... að það er okkar ábyrgð að þeim líði vel og við látum þau ekki kveljast ef eh amar að hjá þeim sem ekki er neitt hægt að gera við.

Um mánaðmótin okt-nóv brugðum við hjónin okkur eina nótt á Hótel Selfoss, fórum um miðjan dag á laugardegi úr bænum og vorum tæpan sólarhring tvö ein og höfðum það gott, fórum á smá rúnt, lögðum okkur, fórum út að borða og höfðum það gott ;-) Þetta er í fyrsta skiptið sem við förum svona tvö ein... á hótel og komum krökkunum í pössun, eigum borgarferð til útlanda eftir ;-) Reynir tók börnin að sér og samdi svo við Gunnu í Kaldárholti um að hafa þau hjá sér ásamt Díönu því hann var víst búin að lofa sér í smíða vinnu hjá Stebba frænda sínum.... krökkunum fannst nú ekkert leiðinlegt að komast aðeins til Gunnu og garfa smá í sveitinni enda vel heima vön þar á bæ. Við sóttum þau um miðjan dag á sunnudeginum, kíktum á hrossin sem voru öll í flottu standi. Fórum svo áleiðis í bæinn.

Hafþór heilsar Kipp og Klöpp, Kvikubörnum

4. sept 2009!!!

Tveir mánðurir liðnir frá síðustu færslu....

Er búin að vera á leiðinni til að setjast niður og skrifa eh sl daga en hefi ekki gefið mér tíma til þess. Ég var farin að fá skammir héðan og þaðan vegna þess að ekkert væri að gerast á síðunni minni...... var spurð góðfúslega hvort það „væri brjálað að gera??““ og sagði svaraði því bara neitandi, væri bara að fara af stað í rútínubundan lífið mitt í rólegheitum..... „nei bara því það eru 2 MÁNUÐIR síðan þú bloggaðir síðast“ fékk ég svo að heyra ;-)

Gott og gaman að fólk fylgist með hjá manni en auðvitað nennir engin að kíkja hér við þegar engar eru fréttirnar.... gefur jú auga leið ;-)

Enn og aftur hefur ýmislegt á daga okkar drifið síðan síðast, erum búin að eiga frábært sumar, fara víða og hafa það gott.... Erum sumsé komin heim í heiðardalinn (Voginn) og allt að falla í ljúfa löð, allir á sínum stað á daginn, krakkarnir eru glöð í skólanum, stunda íþróttir af kappi, ég er búin að taka nokkur hross á hús, Biggi er á sínum stað og hesthúsbyggingin er allveg jafnvel mögulega að fara að fara af stað.... já og lífið er bara yndislegt ;-)

Dagana 10.-12. Júlí fórum við fjölskyldan í 3 daga hestaferð á okkar hraða á okkar tíma bara huggulegt að vera með börnunum á ferð. Hrossin okkar voru jú á Kjóastöðum eftir Kjalferðina og ekki var nú mikið vit í því að keyra þau á milli sveitarfélaganna þegar hægt er að fara ríðandi eða hvað? En sumsé við fórum fyrsta kvöldið (föstud 10.júl) frá Kjóastöðum í Biskupstungum til frændfólks okkar að Bryðjuholti í Hrunamannarhepp. Dagleiðin var frekar stutt og létt, hrossin voru kát og krakkarnir blómstruðu með okkur mömmu, Biggi var „trúss“ þessa leið, var ný komin af sjónum og vildi ekki stökkva beint á bak svo varð jú eh að vara hliðvörður og á bílnum :)

Laugard. 11.júl fórum við frá Bryðjuholti að Reykjarétt á Skeiðum, riðum í gegnum Flúði, yfir Langholtsfjall niður í gegnum Álfaskeið yfir Stóru-Laxá komum að Óskabakka á Skeiðum og svo línuveg að Reykjarétt þar sem við geymdum hrossin eina nótt. Leiðin var frábær, mjúkar reiðleiðir, flott útsýni krakkarnir fengu að sulla smá í Á og já bara draumur fyrir þau að vera með. Þennan dag riðum við öll (Biggi, Sigga, ég og krakkarnir) Ferðin gekk reyndar hægar en við bjuggumst við því á leið okkar í gegnum Flúði hittum við Berglindi frænku Bigga sem býr í Efra-Langholti og ekki var nú tekið annað í mál en að koma þar í kaffi enda lá leið okkar nánast um hlaðið hjá þeim.... þar vorum við örugglega stopp í 2klst, nú þegar við vorum að koma „ofaní“ Álfaskeiðið þá hittum við fyrrum skipherra Bigga og hans frú á tjaldstæðinu og auðvitað var stoppað þar og skrafað góða stund.

Sunnudagur 12. Júl voru svo Þjórsárbakkarnir teknir með trompi, riðum frá Reykjarétt og „heim“ í Kaldárholt, skemmtileg reiðleið, mjúkar reiðgötur og bara gaman að vera til. Mikið kapp var á milli krakkanna að vera fyrst að hverju hliði til að opna fyrir hópnum ;-) Slegið í og hleypt um leið og glitti í hliðin... sem voru ansi mörg.

Hrossin voru góð í ferðinni, komi í rosalega gott form og enga þreytu að sjá á þeim, fundum vel fyrir því þegar við vorum að koma fram Gíslholtsfjallið og nálguðumst óðfluga þeirra sumarhaga að næg orka var enn til staðar því þá vildu sum hrossin bara gefa meira og meira í enda vissu þau vel hver stefnan væri nú orðin. Krakkarnir hleyptu meira og minna heim eyrarnar og við hin tókum til kostanna, bara gaman að vera til. Mér telst til að þegar hrossin loks komu í sumarhagann eftir nærri 4 vikna ferðalög voru þau búin að leggja ca 800km undir hóf hvert fyrir sig ;-)

Komma okkar slasaðist jú rétt fyrir sleppitúr, hún fékk fararleyfi út um 20. Jún. Sigurþór á Meðalfelli var svo almennilegur að taka hana fyrir okkur og hafði hana sér fyrst um sinn áður en hún fékk svo að fara með öðrum hrossum.... hún var orðin óhölt en töluvert bólgin um olnbogann á vi framfæti. Við ákváðum að halda henni undir hest og leyfa henni bara að fá sinn tíma í rólegheitum. Hún fór undir Fláka frá Blesastöðum, ungann efnilegan hest sem vonandi á eftir að gera það enn betra á kynbótabrautinni í framtíðinni ;-)

Við tókum okkur einn dag í að keyra hross (reyndar fleir daga) og fórum þá með Kommu undir hest og skiluðum honum Hrekk frá Hæl sem ég var búin að vera með í láni síðan í vor. Á Hæl voru nýlegir hvolpar sem voru auðvitað skoðaðir í bak og fyrir ;-) Alltaf gaman að koma til Hörpu og Jóa, hægt að spjalla um allt milli himins og jarðar og tíminn er fljótur að fljúga frá manni.

Eina helgina fengum við góða heimsókn í sveitna, það er nú misjafnt hvernig fólk hegðar sér í sinni fyrstu heimsókn en Stína og Örvar tróðu sér í bókstaflegri merkingu inn til okkar... Takk fyrir skemmtilega heimsókn ;-)

Við tókum okkur til ásamt Helgu og Reyni og börnum og ömmum og fórum og skoðuðum framkvæmdir við Bakkafjöruhöfn, fórum upp á Hamragarðsheiði og sáum grjótnámuna þar sem allir STÓRU steinarnir eru teknir til að byggja varnargarðana. Gaman að sjá þessar framkvæmdir í návígi. Nokkuð margar ferðir sem þarf að fara á vörubílunum þegar þeir eru orðnir fullir með 3 steina á pallinum.... Nú fyrst við vorm lögð af stað í leiðangur fórum við inn Fljótshlíð og skoðuðum okkur um þar.

23.-24, júlí fórum við ásamt Helgu og Reyni og börnum (aftur en nú án ammanna) í smá rúnt inn á afrétt, fórum upp Land, keyrðum í gegnum Skarfanes.

Skoðuðm Búrfellsvirkjun.

Sáum stærsta niðurfall á Íslandi.

Keyrðum inn í Landmannalaugar með viðkomu á ýsmum stöðum á leiðinni, gistum svo í nýja húsinu í Áfangagili áttum þar notalega kvöldstund. Góð ferð en góðu vegirnir voru ekki á sömu leið og við.

Enduðum ferðina á að fara að Hjálparfossi og í stærsta heitapott á Íslandi... sundlaugina í Þjórsárdal..... snilldarlaug og örugglega gaman að „stelast“ yfir grindverkið að næturlagi hjá þeim sem það langar ;-)

Um 20 júlí fórum við með hana Sprungu til Erling og Viðju í Langholti í Flóa og nú átti að ath hvort ekki væri hægt að rúlla dömunni í kynbótadóm.....

Við verðum seint þekkt fyrir það að hanga á sömu þúfunni of lengi á sumrin, enda er það allveg ástæðulaust ;-) maður getur sofið þegar maður er gamall og / eða dáinn en þá er of seint að ferðast og skoða landið sitt ;-)

Dagana 27.-30. Júlí brugðum við undir okkur „betri“ hjólunum... ásamt Helgu og Reyni (nei ekki ný frétt) stefnan var sett á Borgarfjörðinn og ætluðum við sko að njóta veðurblíðunnar sem ku víst hafa verið þar í sumar.... það var eins og með góðu vegina inn á Landmannaafrétti sólin, lognið og blíðan voru ekki á sama stað og við í Borgarfirðinum. Ferðin var engu að síður frábær. Byrjuðum á að hitta H&R í Borgarnesi og næst var stefnt að Hömrum til hans Jakobs, fengum að tjalda við stofugluggann hjá honum í skjóli ;-) Þegar við vorum búin að koma okkur fyrir þá var stefnan sett á að fara í sund..... en lærðum það furðu fljótt að Borgfirðigar baðast víst ekki á mánudögum..... nei allveg satt, við komum að tveim sundlaugum sem eru lokaðara á mánudögum og á þriðja staðnum var eingöngu boðið uppá heitan pott en það tók amk 1klst að láta renna í hann OG það var mánudagur!!!!

Við héldum sumsé jafn illa lyktandi „heim“ að Hömrum og skelltum í okkur nokkrum bjórum til að lifa fnykinn af.... getið ýmindað ykkur lyktina af 7 manneskjum og einum hundi ;-)

En já Borgarfjörðurinn var skoðaður og margt fallegt að sjá þar,

fórum á Landbúnaðarsafnið á Hvanneyri, keyrðum Flókadalinn,

framhjá Stóra-Kropp (sáum ekki hasarkroppinn)

Deildatunguhver,

keyptum okkur grænmeti í sjálfsafgreiðslu,

sáum einbeitta njólarækt.

Keyrðum framhjá Höll,

Þverárrétt

Heimsóttum Kolbein, sáum hestinn hans

og hvernig fer fyrir óvelkomnum hröfnum keyrðum Þverárhlíðina.

Eftir tvær nætur hjá Jakobi fluttum við okkur til Davíðs og Fríðu og settumst „upp á“ þau eina nótt, áttum með þeim notalegt kvöld. Keyrðum svo auðvitað inn Hvítársíðuna,

fundum leiðina heim til Tobbu,

ég fann nokkara kirkjur til að taka myndir af,

fundum út hver ríkjandi vindátt er í Húsafelli

sá gamla traktora sem hafa ekki komist alla leiðina heim

svo var það Hraunfossar og Barnafoss

Um verslunarmannahelgina vorum við í rólegheitum í sveitinni hjá Gunnu, höfðum það gott þar eftir ferðalagið.

Við náðum í Sprungu því Erling var á Heimsmeistarmóti og vildi að ég héldi henni í þjálfun meðan hann væri úti, því það væru jú bara 10 dagar í dóm þegar hann kæmi að utan. Ég þjálfaði hana samviskusamlega í 10 daga og svo fór hún aftur til Erlings og Viðju.

Í byrjun ágúst fórum við og heilsuðum uppá Bólstra hans Hafþórs.

Kítkum á stóðið í Hólmahjáleigu

og á hann Hnykk okkar sem er á Lágafelli með mömmu sinni,

þar í stóðinu er einnig hún Brák sem við áttum fyrir mörgum árum, gaman að sjá hana aftur.

Fórum og skiluðum Skrá og Grana til hans Aðalsteins og komum við í sunlauginni á Borg í Grímsnesi og fórum svo og borðuðum á Hótel Iðu

þar blasir Iðubrú vel við.

Gamall traktor er þar í kantinum.

9 ára afmælið hennar Díönu Ýr var haldið í Kaldárholti

11.-14. Ágúst brugðum við okkur norður. Komum við á góðum stöðum, byrjuðum á að koma við á Syðsta-Ósi og heilsuðum uppá Þórunni og Böðvar. Fórum þaðan í Mánaskál til Kollu og gistum hjá henni eina nótt, engar smá breytingar sem hafa orðið hjá þeim á Mánaskál í sumar. Þórdís Katla stækar og dafnar með hverjum deginum. Auðvitað fórum við að veiða aðeins í Langavatni og uppskárum 9 fiska.... Næsta stopp var svo Svalbarð við Dalvík, Kata og Halli voru svo frábær að lána okkur húsið sitt. Áttum góðan tíma en allt of stuttan fyrir norðan, fórum í sund,

krakkarnir töldu kirkjutröppurnar,

skoðuðum bæjarlífið og fórum í mat til Kötu inn á Akureyri. Takk fyrir okkur.

Við Keyrðum Kjöl suður,

komum við á Hveravöllum og skoðuðum hverasvæðið

og helli Fjallar Eyvindar og Höllu

19.ágúst fór Sprunga okkar svo í dóm, fékk 8 á línuna í hæfileikum nema fyrir skeið (enda skeiðlaus skepnan) og 7.78 fyrir byggingu. Erum ánægð með dömuna og svo er bara að vona að hún gefi okkur góð hross í framtíðinni. Sýnandi var Erlingur Erlingss

4.júlí

Enn og aftur líður næstum mánuður á milli skrifa hjá mér..... ég bara skil ekki hvernig þetta gerist aftur og aftur, kannski er jú bara svona gaman hjá mér að ég gleymi að setjast niður við tölvuna og skrifa smá fréttir ;-)

En já síðan síðast hefur margt á daga okkar drifið ( eins og fyrridaginn)

Í byrjun júní fór hún Særós okkar í nokkra daga (Sunnd – miðvikud) dvöl til Hörpu og Jóa á Hæl í Flókadal. Algjör draumur fyrir sveitaprinsessuna okkar að fá að dunda með Hörpu við sveitastörfin, hún fór á hestbak, dundaði í kringum hvolpana, fékk að fara á fjórhjólið þegar var verið að láta ca 15 hunda hlaupa með kvölds og morgna, var við geldingar á hestum, skoppaði í kringum nýfædd folöld ofl ofl. Hún var alsæl þarna í sveitinni og vildi varla koma heim, stefnan var að sækja hana á þriðjudegi en hún vildi ekki með nokkru móti koma heim, vildið vera aaaaaðððeeeeeeiiiinnsss lengur ;-). Endaði dvölina með Hörpu á að fara út að borða og í bío hér í bænum. Bara yndislegt að eiga svona góða vini í sveit sem geta leyfa borgarbörnunum okkar að upplifa sveitina.

Á meðan Særós var í sveitinni var Hafþór einn með okkur að dunda, ýmislegt sem við urðum að gera fyrir sleppitúrinn, , fórum með Ljósku, Skykkju og Árás austur að Kaldárholti og með Birtu til Pilts frá Sperðli, gerðum hjólhýsið klárt fyrir sleppitúrinn... já og riðum út af krafti.

Árás mætt á svæðið

Ljóska

Skykkja heilsar Slóð

Piltur Sperðli

11. júní var svo lagt af stað í sleppitúrinn, fórum af stað frá Gusti kl 17 og var stefnan sett á Helgadal í Helgadal. Við riðum öll fjölskyldan einnig voru mamma og Stína vinkona með okkur í för Dódó og Össi, svo var Ármann (tvíburi) og Einar hesthúsasambýlingur tvíburanna með okkur, veðrið var frábært og allir léku við hvern sinn fingur. Frábært að koma þarna í Helgadal, góð aðstaða og allt svo hreint og snyrtilegt á bænum, hrossin fengu gott stykki til beitar og mannskapurinn fór til síns heima til hvílu.

Á föstudeginum (12.) fóru Biggi og Össi með hjólhýsi og bíla inn að Svartagili svo allt væri nú á sínum stað þegar hópurinn kæmi að kveldi. Hópurinn hittist svo eftir vinnu hjá flestum, um kl 17 lagði hópurinn úr hlaði frá Helgadal og nú lá ferðinn inneftir Mosfellsdalnum í átt að Skógarhólum eða réttara sagt Svartagil, ferðin gekk vel en í Stíflisdal losuðum við hrossinu í sundur og rákum restina af leiðinni, reksturinn gekk vel en jú býsna hratt á köflum þegar sum hrossin voru farin að átta sig hvert þau stefndu vildu þau bara drýfa sig. Við vorum komin í Svartagil um kl 23 að kveldi þar áðu hrossin tvær nætur því margir voru uppteknir á laugardeginum, ýmiskonar veislu í gangi hjá mannskapnum þannig að flestir fóru til síns heima nema við gistum í hjólhýsinu okkar góða. Við tókum því bara rólega og höfðum það gott meðan aðrir fóru í sínar veislur. Dódó og Össi og mamma komu seint á laugardagskvöldi.

Á sunnudagsmorguninn forfærðu Biggi og Össi einn bíl upp að Kringlumýri en þangað lá leiðin þenna daginn, var fólkið komið um kl 10 í Svartagil og lagt var af stað um kl 12 í gegnum skógargötur, Ármann og Reynir settu hrossin sín á kerru við Gjábakka en við hin héldum áfram upp á Lyngdalsheiðina að Kringlumýri þangað vorum við komin um kl 16. Þar girtum við beitarhólf fyrir hrossin okkar (okkar og Össa og Dódó) og komum fyrir vatnsdalli. Svo var ferðinni heitið í Víðigerði til Óla frænda og Hönnu með hjólhýsið, við Biggi fórum til baka og sóttum hjólhýsið frá Skógarhólum, Dódó, Össi og mamma fóru beint frá Kringlumýri að Víðigerði. Við höfðum það gott á hlaðinu í Víðigerði með hjólhýsið, grilluðum góðan mat, skruppum í sund og slökuðum á, bara huggulegt.

Á mánudeginum keyrði Hanna hluta af mannskapnum upp að Kringlumýri en Össi og Dódó fóru líka á bíl uppeftir. Nú var bara að gera hrossin klár fyrir ferð, taka saman girðinguna sem við settum upp, Össi járnaði reyndar einn fót á einum fola sem ég var með og tókst með ótrúlegum hætti að þræðast fastur uppá hóffjöðrina með vinstri þumalinn, fjöðrinn fór inn undir húð við fremri liðinn og kom út undan skinninu fram við nögl.... hann kallaði allt í einu á mig og bað mig að aðstoða sig því hann væri FASTUR sem var engin lygi því hann var jú þræddur uppá tein ef svo má segja. Sem betur fór slapp hann vel, það blæddi auðvitað töluvert en hann fékk umbúðir um fingurinn og lagði svo bara af stað á hestbaki rétt seinna, fékk reyndar að vera prinsessa þennann daginn (góð leið til að sleppa við að teyma). Þennan dag riðum við já frá Kringlumýri, niður að Apavatni, meðfram Mosfelli, yfir Brúará og þaðan upp að Litla-Fljóti. Gott að eiga hann Hósa á Fljóti að þegar maður er svona á ferðinni og geta fengið að setja hrossin á beit hjá honum;-) Aftur gistum við í Víðigerði en mamma, Össi og Dódó urðu að fara í bæinn því þau þurftu öll að mæta til vinnu á þriðjudeginum.

Þriðjudagurinn 16.júní fór í rólegheit framan af, krakkarnir skruppu í sund og við höfðum það notalegt, gerðum okkur klár fyrir síðustu dagleiðina okkar sem var frá Litla-Fljóti að Kjóastöðum. Mamma, Össi og Dódó voru komin um k 18 austur og við vorum lögð af stað ríðandi um kl 19, þetta er eina dagleiðin þar sem við riðum nærri eingöngu meðfram eða á vegi og því gott að vera frekar seint á ferðinni. Við vorum komin upp að Kjóastöðum um kl 22, ferðin gekk vel, engin bílaumferð og veðrið var gott.

Krakkarnir stóðu sig eins og hetjur alla ferðina, riðu með hvern einasta spöl, á ýmsum hrossum, Særós notaði Sjón og Gjafar en Hafþór notaði Hemru og Jörð. Hrossin voru í fínu formi og mannskapurinn kátur, þetta var skemmtileg ferð og verður vonandi farin önnur um svipaðleiti að ári.

17.júní vorum við í Reykholti, krakkarnir fengu andlitsmálun og kíktu aðeins á skemmtidagskránna, seinnipart dags keyrðum við með hjólhýsið austur að Kaldárholti, þegar við vorum á leiðinni þangað hringdi hún Gunna og sagði okkur að hún Kvika væri köstuð, brúnn hestur var það heillin. Við stoppuðum að sjálfsögðu við og skoðuðum hann þegar við komum austur, fallegt folald, vel þroskað og fínt. Verður gaman að fylgjast með honum í framtíðinni.

21. júní fór ég svo af stað norður yfir Kjöl með Hjalta og Åsu á Kjóastöðum, ásamt stórskemmtilegum hópi fólks og 20 erlendum ferðamönnum/konum, ferðin norður var frábær í alla staði,hrossin góð, fólkið skemmtilegt og veðrið fínt....ég vildi eiginlega ekki koma heim aftur ;-/

Á meðan ég skemmti mér á Kili voru börnin í sumarbúðum að Úlfljótsvatni og áttu þar skemmtilegar stundir við ýmiskonar iðju.

28.júní var Kristín Dilani fermd í Seltjarnarneskirkju, falleg athöfn og stóskemmtileg veisla

Sl viku hafa krakkarnir svo verið austur í Kaldárholti með ömmu Siggu því ekki kom til greina hjá þeim að hanga í bænum, hvorki mömmu né krökkunum því þau eru jú í fríi ;-) þau hafa dundað við hitt og þetta, smalað kindum og rúið þær, farið að veiða og já auðvitað leikið sér og vakað fram á nótt ;-) ég er búin að vera í bænum að vinna og fer svo í sveitina þegar ég kemst í frí.

10. júní

Jæja nú er bara komið að því loksins.... sleppitúrinn er á morgunn og nú eru tamningar settar á hilluna í bili. Hrossin hafa verið góð í vetur, fólkið sem ég hef tamið fyrir frábært og allt gengið upp, er búin að hafa mörg skemmtileg hross þetta tímabilið, allveg sloppið við eh bjána en sum hafa jú tekið aðeins lengri tíma en önnur en svoleiðis er það jú bara með þessi blessuðu hross.

Síðustu helgina í maí ( laugardagur) var Gæðingakeppni Gusts, krakkarnir tóku bæði þátt og stóðu sig með prýði. Særós varð í 5.sæti í barnaflokk á Gjafari sínum, stóð sig mjög vel í sinni (og hestsins) fyrstu gæðingkeppni, þau eiga margt ólært en vá hvað við vorum stollt af stelpunni okkar ;-) Hafþór reið um eins og herforingi í pollaflokknum á Jörð sinni.Hafþór var einnig iðinn við að vera hliðvörður og fékk að taka þátt í verðlaunaafhendingu í úrslitum

Á sunnudeginum brunuðu við austur í sveit með Usla og Ísöld, þau voru búin að mæta vel í alla tíma þetta vorið og áttu frí skilið, ég vildi ekki taka þau með í sleppitúrinn enda er nægur tími til þess á komandi árum. Þau voru auðvitað frelsinu fegin, stóðið tók nú ekki illa á móti þeim... Birta og Kvika lögðu þeim sitthvort orðið í eyra og þar með vissu þau hvað mátti og hvað ekki... hugsa nú að gamli klárinn minn hefði nú þurft að láta þau hlaupa aðeins og haldið þeim vel fyrir utan hópinn ef hann væri enn með í stóðinu ;-)Hrossin litu vel út, voru róleg og yfirveguð og hafa það greinilega gott

Ísöld frelsinu fegin, Kvika nennir nú ekki að hreyfa sig að óþörfu

Klöpp og Gaur koma skokkandi

Klöpp fékk frumraun sína í að bera knapa á bakin, hún tók því mjög vel þegar ég hoppaði á bak henni og fékk far með henni nokkra metra....

Næst fórum við og sóttum hjólhýsið úr vetargeymslunni, bara notalegt að ná í það, það kom vel undan vetri, ekki saggi eða eða mygla í því ;-) Við fórum með það uppí Kaldárholt og komum okkur fyrir í því, bara notalegt að liggja í því um kvöldið og hlusta á fuglasöng og kinda jarm og krakka köll (krakkar úti við leik) Svo er jú bara gott að komast í sveitina og slappa af, ræða heimsmálin við hana Gunnu okkar, kíkja á lömbin og jú gott ef ekki einn kaldur var ekki með á kantinum ;-)

Það var eitt allveg ótrúlega lítið lamb í sveitinni, Agnar Smári

Eitt lambið hans Hafþór var með umbúðir á fæti sem þurfti að fjarlægja

Nóra hafði nó að gera

Tásla hafði það gott

Á mánudeginum fórum við með hana Spörtu niður að Hólmahjáleigu til hans Máttar, hún mun vonandi kasta innan tíðar hjá honum og svo verður spennandi að sjá hvað kemur að ári undan þeim. Máttu tók vel á móti Spörtu, enda kurteis foli með eindæmum ;-)

Á leið okkar sáum við hana Hugsýn sem við fengum folald undan nú í vor, okkur leist bara mjög vel á folann.... 10 daga gamall og sýndi mest tölt, ég náði að grípa hann við hlið móður sinnar, auðvitað brá honum aðeins en hann tók okkur vel og var bara sáttur við klapp og kjass frá öllum í fjölskyldunni.... óskum eftir H... nafni fyrir kauða

Einnig sáum við hann Bólstra og hana Gæsku með mjög myndarlegann móvindóttan fola undan honum Mætti, folinn er til sölu fyrir þá sem hafa áhuga

Sl daga hafa flogið áfram. Krakkarnir voru komin með nett leið á skólanum og við enduðum á að fá frí fyrir þau síðustu dagana. Þau eru búin að vera mjög dugleg að ríða út með okkur enda stefna þau bæði á að ríða með okkur allann sleppitúrinn. Hrossin eru komin í gott form, við erum búin aðf ara nokkra teymingatúra og trossu-teymingar hafa gengið vel. Sl helgi var ég á næturvöktum, svo ekki gerði ég mikið á milli vakta ..... nó var samt fyrir stafni hjá okkur.

Á föstudag fórum við upp að Meðalfelli með eitt tryppi til Sigurþórs og náðum í hana Ljósku okkar. Smöluðum nokkrum hrossum heim að bæ sorteruðum hrossin í sundur og fylgdumst með þegar einni hryssu var haldið undir Feng Sæ/Eydísarson. Það var ekkert mál að taka Ljósku á múl og teyma hana uppá kerruna, bara eins og tamin.

Særós var ekki hætt á flakkinu því næsta stopp hjá henni var á Hæl í Flókadal hjá Hörpu og Jóa. Við brunuðum beint upp í Flókadal, áttum góða stund með Hörpu og Jóa áður en við skildum frumburðinn eftir, sáum auðvitað hvolpa... fullt af hundum, kíktum á hrossin fengum ljúfengt lambalæri að borða svo urðum við að bruna í bæinn því ég var á leið á næturvakt, við vorum komin um kl 23 í bæinn, ég rétt náði að skipta um föt og brunaði svo í vinnuna.

Fátt er svo með öllu illt að ei boði gott... vonandi stens það með hana Kommu okkar en á mánudaginn slasaðist hún, sennilega hefur hún verið slegin úti í gerði en amk var hún stokkbolgin á vi olnboga þegar við vorum að setja hrossin inn, Björgvin „dýri“ kom til okkar og hann vildi fá hana til myndatöku, ég hélt fyrst að hún væri úr olnboga liðnum en Björgvin vildi vera viss um að hún væri ekki fótbrotin, við mjökuðum henni uppá hestakerru, hún átti mjög erfitt með allrar hreyfingar og allt tók þetts sinn tíma fyrir hana greyið, sem betur fer var hún ekki brotin. Hún gat varla hreyft sig og skalf öll ef hún þurfti að færa sig eh til Hún verður að vera inni nk 2-3 vikur, verður mynduð aftur seinna til að sjá hvort að nokkur skemmd komi fram í beinum. Svo verður tíminn bara að leiða í ljós hvernig batinn gengur. Þettar er allveg ferlegt að missa hana svona út fyrir sleppitúr og Kjalarferð, Hafþór hefur jú nærri eingöngu riðið henni sl vikur og gengið frábærlega með hana, þau smella vel saman, hún er allveg ótrúlega flott undir stráksa, svo nú verður Hafþór að „sætta“ sig við önnur hross undir hnakkinn en eingöngu hana og Jörð sína í sleppitúrnum.

24. maí

Sjöfn sendi mér tvær myndir í sms af honum „enda“ litla í gær.... læt þær fylgja ;-)

21. maí

Jæja nú er fyrsta folaldið okkar þetta árið komið í heiminn. Hún Hugsýn frá Huldu og Bjarna var fyrst til og kom með jarpskjóttann blesóttann hest, við fórum með hana undir Vals frá Efra-Seli í fyrra svo sá stutti er með mikið skjótt á bak við sig.

Við erum ekki búin að sjá hann nema bara á einni mynd í gsm símanum. Ágætur vinur okkar sá þann stutta í dag og leist mjög vel á hann, fallegur og laus gangur í þeim litla sagði hann. Svo er bara að finna „H“ nafn á folann ;-)

Svo nú er bara að bíða eftir næsta folaldi...

18. maí

Sól sól skín á mig... ský ský burt með þig.

Eftir allt þetta rok sem á okkur dundi í sl viku skall sólin á flestum til mikillar gleði á föstudag, vá hvað það er búið að vera gott veður sl daga, sauðir eins og ég eru þá löngu búnir að gleyma því að ekkert var hægt að gera af viti fyrir nokkrum dögum... enda til hvers að pirra sig á eh sem er löngu liðið og ekkert hægt að gera í hvort eð er??

Jæja nó um veður og allt það.

Ég gleymdi allveg að minnast á afmælisbörn sl vikna í síðasta bloggi.... best að bæta fyrir það núna...

Í mars voru það... þann 20 eignuðust Vignir og Helga lítinn prins, innilega til hamingju með hann, þann sama dag átti Dísa (hans pabba) afmæli, 23. Rannveig Bigga systir, 24. Sigga „amma“. 26. Hafþór Hreiðar, 27. Eik Elmarsd 1 árs. Í apríl ... þann 16 eignuðust Birgir og Rannveig frumburð sinn, lítinn prins, innilega til hamingju með hann. 25. Átti Vignir afmæli og þann 27. Birgir (Skæringssynir) Nú maí er langt kominn, 3. Bætti Reynir við ári, 6. Átti Helena María afmæli, 11. Varð hún Lísa Albertsd 30!, 12. Bætti Halli við ári, 14. Halla og Gummi (og forsetinn) 15. Mona. Innilega til hamingju öll , vona að dagurinn ykkar hafi verið ykkur góður ;-)

Það er víst sjaldan lognmolla hér á þessum bæ... í sl viku fórum við Biggi austur og færðum hrossin okkar á milli bæja, frá Saurbæ yfir að Kaldárholti, það er víst komið sumar þegar það gerist ;-)

Hafþór fékk sumarklippinguna

Sl föstudag fórum við á úrslitakvöldið í Idol í Smáralindinni, þetta var mjög gaman og engin smá fagnaðarlæti þegar Hrafna vann, Særórs og Hafþór hittu hana einmitt í hléinu og fengu myndir af sér með henni, þau hafa haldið með henni alla keppnina svo þau vor nú ekki lítið glöð þegar hún vann

Um helgina var Íþróttamót Gusts og að sjálfsögðu kepptu „öll“ börnin mín, öll stóðu þau sig með stakri prýði, prúðir og fínir reiðmenn sem eiga framtíðina fyrir sér.

Særós keppti í tölti í barnaflokk á Gjafari.

Kolbeinn keppti í fjórgang í unglingaflokk á Ísafold frá Þúfu

Hafþór keppti í tölti og þrígang í pollaflokk.

Í gær fórum við í ótrúlega skemmtilegan reiðtúr, ég og krakkarnir. Við ætluðum nú í upphafi bara aðeins inn fyrir Heiðmerkur „hlið“ en ferðin breyttist „smá“ og vin enduðum á að fara í gegnum Heiðmörkina og „Hjallana“ heim. Særós fór á Gjafari og gekk mjög vel, Hafþór var á Kommu og reið eins og herforingi, Kolbeinn var á Hrekk og ég á Sprungu. Veðrið var geggjað,nánast logn, sól og steikjandi hiti, ferðin tók okkur rúmlega 3klst og voru krakkarnir alsælir þegar heim var komið.... en þetta var ekki nó fyrir þau, vildu fara aftur áhestbak og við fórum þá styttri túr, Særós fór á Sjón, Hafþór á Duld, Kolbeinn á Ísöld og ég á Jörð. Nú fórum við bara upp að tjörn, öll alsæl og glöð.

Ég verð að hrósa honum Hafþór okkar þarna því hafði hvoruga merina prufað áður og var hvergi banginn að fara á þær, ekki að þetta séu eh hrekkja bykkjur en oft eru börn nú ekki til í að fara af sínum reiðhrossum og yfir á önnur. Sjón þekkja þau bæði ágætlega. Særós er ofsalega ánægð með Gjafar sinn og nú er hún ólm í að fara næst á Duld eða Kommu, hún hefur tvisvar prufað Kommu og gengið vel á henni svo er það bara Duddið mitt sem er að koma verulega á óvart ef hún í alvöru ætlar að vera svona góð að krakkarnir geta notað hana því þeir sem hana þekkja vita jú að það eru ekki allri sem ná sambandi við hana og ef það gerist þá stendur hún bara kjurr og starir út í loftið og spáir í hvað fólk sé í alvöru að hamast á baki henni ;-)

En með þessu held ég að ekki sé aftur snúið með börnin okkar, þau tala bara um hvenær hestaferðin sé og hvaða hrossum þau ætli að nota, held við Biggi verðum að skiptast á að hjóla með ef við ætlum á annaðborð að vera samferða þeim ;-) Ég er ekker smá glöð hvað þau eru áhugasöm og dugleg þessi bestu börn mín ;-)